2013 елгы XXVII Бөтендөнья җәйге Универсиада, Казан,

6-17 июль
РУСENGТАТ

Көрәшче Куйлаков көчле көндәшләреннән өстен чыгуына шат

Грек-рим көрәшендә җиңгән россияле Иван Куйлаков, 60 кг кадәрле үлчәү авырлыгында иң көчле көндәшләрен җиңеп, алтын медаль яулавыннан канәгать булуын белдерде.

Big_224674720130716-12227-1nze4ts

Универсиада.11нче көн. Грек-рим көрәше © РИА Новости/Владимир Баранов

Новосибирск егете, хәлиткеч көрәштә, Европа чемпионаты 2013 бронза бүләге иясе әзербәйҗанлы Камрана Маммадовны җиңде. Исәп—6:0.

 “Бүген миңа көтмәгәндә генә бик көчле һәм җайсыз көрәшә торган  көндәшләр—япон, казах, әзербәйҗан, үзбәк  эләкте,- диде Кулайков журналистларга. -  Ярышларда үземнең бөтен көчемә көрәшергә туры килде.  Барысы белән дә чын-чынлап көрәшә алу миңа ошады.  Әгәр дә көчле булырга телисең икән, чып-чын көндәш белән көрәшергә кирәк.  Бүгенге ярыштан мин бик канәгать”. Турнир җиңүчесе оппоненты турында:” Мин аны төрле турнирлар  буенча беләм, әмма элек безнең  очрашканыбыз юк иде. Һәр  алым саен мин көчемне арттыра бардым , калганын исә элеккеге схема буенча эшләдем,-дип дәвам итте Универсиада чемпионы “Р-Спорт” белән үткәргән әңгәмәсендә. – Финал уеннарында исә хата җибәрмәдем.  Җиңүне  судьялар хисабына түгел, ә үзем җыйган баллар нәтиҗәсендә яуладым.  Алдагы планнарга килгәндә, Дөнья чемпионатына әзерләнәчәкмен”.

Дөнья беренчелегенә ярышлар 16-22 сентябрьдә, Будапештта үткәреләчәк.

«Р-Спорт», 1 июль 2013 ел