17.07.2013  03:19

16 июльдә Казанда XXVII Бөтендөнья җәйге студентлар Уеннарының баскетбол буенча турниры тәмамланды.

Универсиаданың баскетбол турнирындагы финал матчның соңгы секунды иң истә кала торганы, дип белдерде журналистларга команданың һөҗүмчесе Андрей Зубков.

Команданың сакчысы Виктор Заряжко, Универсиада финалында җиңү Россия баскетболчыларының үзләреннән генә тора иде, дип белдерде.

2013 елгы Казан Универсиадасында җиңү – Россия баскетболының гаҗәеп зур уңышы, чөнки безнең соңгы триумфыбыздан соң инде 28 ел вакыт үтте, дип белдерде Россия Баскетбол Федерациясе президенты вазифаларын башкаручы, ВТБ Бердәм лигасының генераль директоры урынбасары Юлия Аникеева.

Россия җыелмасы баскетболчылары Универсиада финалын “тешләре белән ябышып” җиңде, дип белдерде команданың баш тренеры Василий Карасев.

НБАның "Кливленд Кавальерс" клубы белән контрактка кул куйгач, Сергей Карасев баскетбол буенча Россиянең төп җыелма командасына кушылачак — бу хакта журналистларга уенчы үзе хәбәр итте.

Универсиада финалында баскетболчыларга трибунадагы тамашачының көчле җан атулары ярдәм итте, дип белдерде команда форварды Сергей Карасев.

Россия җыелма командасы баскетболчылары Универсиада финалында бар көчләренә көрәште һәм турнирның алтын медальләрен яулап алуга иреште, дип белдерде “Р-Спорт” агентлыгына команданың капитаны Семен Антонов.

Сербия җыелма командасы баскетбол ярышында өченче урын алды.

Баскетбол буенча Россия җыелма командасы финал уенда Австралия командасын җиңеп алтын медальгә лаек булды.