Баш бит - 2013 елгы Уеннар - Универсиада авылы

Универсиада авылы

Универсиада авылы торак микрорайоны Казанда 2013 елгы XXVII Бѳтендѳнья җәйге Универсиада үткәрү уңаеннан, спортчылар һәм делегацияләр составындагы башка катнашучылар өчен яшәү урын буларак төзелде.

Универсиадага кадәр һәм аннан соң авыл — Казан (Идел буе) федераль университеты һәм Идел буе дәүләт физик культура, спорт һәм туризм академиясе студентлары кампусы. Комплекс 14 500 кешегә исәпләнгән, Россиядә тиңдәше булмаган иң зур кампус.

Универсиада авылы Казанның Идел буе районында, Җиңү проспекты (Зур Казан боҗрасының Көньяк шәһәр эче магистрале) һәм Академик Парин урамнары янында, Мәүлетов урамыннан Оренбург трактына кадәр территориядә урнашкан. Универсиада авылы төньяк-көнчыгыштан көньяк-көнбатышка таба сузылган зур турыпочмаклы квартал формасында төзелгән.

Универсиада авылы «Җиңү Проспекты» метро станциясеннән ерак түгел урнашкан. Микрорайонга 47 нче маршрут автобусы һәм 8 нче маршрут троллейбусы белән килеп була.

2009 елның 10 июлендә Россия Федерациясе Хөкүмәте рәисенең беренче урынбасары – 2013 елда Казанда узачак XXVII Бөтендөнья җәйге Универсиадасының оештыру комитеты рәисе Игорь Шувалов катнашында Универсиада авылына беренче таш салу тантанасы узды. Универсиада авылы проекты баштан ук студентлар шәһәрчеге буларак планлаштырылды.

Универсиада авылының беренче өлеше 2010 елның 30 августында ук студентларны кабул итте. 2 кластерга берләштерелгән 20 торак корпусның гомуми мәйданы – 187 мең кв.м., биредә бер үк вакытта 7 меңнән артык кеше яши ала. Студентларны урнаштырган вакытта FISU тарафыннан тәкъдим ителгән аккредитацияләү программасы сыналды. Нәтиҗәдә, 1142 кеше 8 сәгать эчендә урнаштырылып бетте, һәрберсе турында мәгълүмат бердәм базага кертелде.

Универсиада авылы төзелеше 2009 елның июлендә башлана;
Универсиада авылы территориясенең гомуми мәйданы – 53 гектар;
торак зонасының гомуми мәйданы – 274 мең кв.м.;
Халыкара мәгълүмат үзәгенең гомуми мәйданы – 52 688 кв.м.;
комплекс 12 мең кеше яшәүгә исәпләнелгән;
яшеллек мәйданы – 141 784 кв.м.;
агачлар утыртылачак мәйдан (планлаштырыла) – 35 298 кв.м.

Галерея

Универсиада авылы Уеннарга кадәр һәм аннан соң Россиядәге иң эре студентлар кампусы буларак хезмәт итәчәк.

Комплексның беренче ике кластеры Казан (Идел буе) федераль университеты карамагына тапшырылган. Өченче кластер исә Идел буе дәүләт физик культура, спорт һәм туризм академиясенә тапшырылачак. Бүген Универсиада авылында дөньяның 41 иленнән 6000 тирәсе студент яши. Аларның 64 %ы Татарстан Республикасыннан, 30 %ы – Россия Федерациясе төбәкләреннән, ә 6%ы чит илдән килеп укучылар.Укырга

Универсиада авылында чын мәгънәсендә тормыш кайный. Комплекс ачылганнан бирле биредә 400ләп спорт ярышы һәм мәдәни чара үткән. Мисал өчен, студентлар Универсиада авылында яши башлаганнан соң ук 1000 студент катнашында степ-марафон үтте. Казанда ел саен оештырыла торган шәһәрне чүп-чардан арындыру өмәсе кысаларында Универсиада авылында да тирә-юньне төзекләндерү, чистарту буенча акция үткәрелде. Акция вакытында Авыл территориясендә 200ләп агач һәм куак утыртылды. Өмәдә Универсиада авылында яшәүче барлык студентлар да актив катнашты. Шулай ук биредә футбол, волейбол буенча чемпионатлар, шахмат турниры үткәрелде. Спорт ярышларын хәтта халыкара дәрәҗәдә дип тә атага мөмкин. Чөнки аларда Универсиада авылында яшәүче чит ил студентлары да актив катнаша.

Спорт һәм яшьлек мәйданы буларак, Универсиада авылы «Сәламәтлек территориясе» дип игълан ителде. Биредә студентлар катгый эчке таләпләргә буйсынып яшәргә тиеш: Авыл территориясендә тәмәке тарту һәм спиртлы эчемлекләр куллану тыелган.

Авылда студентлар өчен барлык уңайлыклар да тудырылган. Сәламәтлек пункты, аптека, спорт җиһазларын прокатка биреп тору салоны, күчерелмә ясату үзәге, кер юуу хезмәте ачылды. Алар бүген уңышлы эшләп килә. Универсиада авылы ачылган көннән бирле авария-диспетчер хезмәте эшләп килә. Әлеге хезмәткә гаризаларны он-лайн режимда да җибәрергә мөмкин.

Студентларның куркынычсызыгын тәэмин итүгә шулай ук зур игътибар бирелә. Көн саен комплекс территориясендә 50дән артык хокук саклау хезмәткәре һәм сак хезмәте эшли.

Универсиада авылы проекты FISU таләпләренә туры китереп эшләнгән. Әлеге проект халыкара FIABCI Prix D’Excellece конкурсында «Спортны үстерү һәм яшьләр өчен социаль әһәмияткә ия инфраструктура булдыруга керткән зур өлеш өчен» номинациясендә финалист дипломына лаек булды.

Яшерергә

Универсиада авылы мэрының Интернет кабул итү бүлмәсе

Галерея

Универсиада авылы 2013 елны 29 июнендә рәсми рәвештә ачылды. XXVII Бөтендөнья җәйге студентлар Уеннары вакытында ул спортчыларның һәм делегацияләр составындагы башка катнашучыларның яшәү урынына әйләнде.

Авыл комплексында инфраструктура яхшы үсеш алган. Монда даруханә һәм сәламәтлек пункты, җәмәгать тәртибен саклау пункты, кер юу хезмәте, спорт җиһазларын прокатка биреп тору салоны, чәчтарашханә, супермаркет, туклану урыннары, почта бүлекчәсе, сервис үзәге, ателье эшли.

Болардан тыш, монда яшәүчеләрнең ял вакытын файдалы уздыруы өчен бөтен шартлар да тудырылган. Роликлы тимераяклар, самокатлар, велосипедлар бушлай бирелә, Бер ишегалдында шахмат мәйданчыгы куелган һәм «Чесбол» уены өчен зур шахмат фигуралары ясалган. Флаглар аллеясе белән янәшәдә волейбол, баскетбол һәм футбол мәйданчыклары урын алган.

Студентлар Уеннарында катнашучыларга авылның торак зонасында гына түгел, Ә Халыкара мәгълүмат үзәгендә дә хезмәтләр күрсәтелә. Монда аккредитация һәм команда үзәкләре эшли, килү-китү зоналары, спорт мәгълүмат үзәге, туклану зонасы, киләчәктәге Уеннарның оештыру комитетлары һәм FISU офислары, Делегация башлыклары очрашулары өчен зал һәм Диннәр үзәге урнашкан.